ಟೋಪಿ ಧರಿಸಿ ಈದ್ ಶುಭಾಶಯ ಕೋರಿದ ಪೊಲೀಸ್; ಕ್ರಮಕ್ಕೆ ಆಗ್ರಹಿಸಿದ ರಾಜಾಸಿಂಗ್

ಸಂದೇಶ ಇ-ಮ್ಯಾಗಝಿನ್: ತನ್ನ ಮುಸ್ಲಿಮ್ ವಿರೋಧಿ ನಿಲುವು ಹಾಗೂ ವಿವಾದಿತ ಹೇಳಿಕೆಗಳಿಂದಲೇ ಹೆಚ್ಚು ಪ್ರಚಾರದಲ್ಲಿರುವ ಹೈದರಾಬಾದ್ ಘೋಷಾಮಹಲ್ ಶಾಸಕ ರಾಜಾಸಿಂಗ್ ಈದ್ ಶುಭಾಶಯ ಕೋರಿದ ಪೊಲೀಸ್ ಅಧಿಕಾರಿಯೊಬ್ಬರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸುತ್ತಾ ಟ್ವೀಟ್ ಮಾಡಿದ್ದಾರೆ. ಅಷ್ಟಕ್ಕೂ ರಾಜಾಸಿಂಗ್ ಆಕ್ರೋಶಕ್ಕೆ ಕಾರಣವೇನೆಂದರೆ ಪೊಲೀಸ್ ಅಧಿಕಾರಿಯೊಬ್ಬರು ಮುಸ್ಲಿಮರಿಗೆ ಈದ್ ಶುಭಾಶಯ ಕೋರಿ ವಿಡಿಯೋ ಮಾಡಿದ್ದರು. ಈ ವೀಡಿಯೋದಲ್ಲಿ ಆ ಅಧಿಕಾರಿ ತನ್ನ ಪೊಲೀಸ್ ಸಮವಸ್ತ್ರದಲ್ಲಿದ್ದು, ಮುಸ್ಲಿಮರ ಸಾಂಪ್ರದಾಯಿಕ ಟೋಪಿ ಧರಿಸಿದ್ದರು. ಟ್ವಿಟ್ಟರ್‌ನಲ್ಲಿ ಈ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿರುವ ರಾಜಾಸಿಂಗ್ “ಈ ತೆಲಂಗಾಣದ ಪೊಲೀಸ್ ಅಧಿಕಾರಿ ಮುಸ್ಲಿಮರ ಟೋಪಿ ಧರಿಸಿ ಈದ್ ಶುಭಾಶಯ ಹೇಳುತ್ತಿದ್ದಾರೆ. ಇವರು ಪೊಲೀಸ್ ಟೋಪಿ ಕಳಚಿಟ್ಟಿದ್ದಾರೆ. ಪೊಲೀಸ್ ಠಾಣೆಯಲ್ಲಿ ಮುಸ್ಲಿಮರ ಟೋಪಿ ಧರಿಸಲು ಅನುಮತಿ ನೀಡಿದವರು ಯಾರು. ಈ ಪೊಲೀಸರು ದಿಪಾವಳಿ, ದಸರಾ ಸಮಯದಲ್ಲಿ ಹಿಂದೂಗಳನ್ನು ಬಂಧಿಸುತ್ತಾರೆ. ಇವರ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ. ರಾಜಾಸಿಂಗ್ ಟ್ವೀಟ್‌ಗೆ ತೆಲಂಗಾಣ ಪೊಲೀಸರು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.

I would like to ask @TelanganaDGP and @hydcitypolice is this even allowed, he removed his police cap and wore skull cap seating inside his cabin in police station.

Hindu's are being targeted during Diwali & Dusherra is friendly policing for minorities only? pic.twitter.com/Rexe6hPMcs

— Raja Singh (@TigerRajaSingh) June 5, 2019