Friday , November 15 2019
Breaking News
Home / ವೀಡಿಯೋ / ಗೋಡ್ಸೆ ಭಯೋತ್ಪಾದಕ ಎಂದಿದ್ದ ಕಮಲ್ ಹಾಸನ್‌ಗೆ ವೀಡಿಯೋ ಮಾಡಿ ಬೆದರಿಕೆ ಹಾಕಿದ ರಾಜಾಸಿಂಗ್

ಗೋಡ್ಸೆ ಭಯೋತ್ಪಾದಕ ಎಂದಿದ್ದ ಕಮಲ್ ಹಾಸನ್‌ಗೆ ವೀಡಿಯೋ ಮಾಡಿ ಬೆದರಿಕೆ ಹಾಕಿದ ರಾಜಾಸಿಂಗ್

ಸಂದೇಶ ಇ-ಮ್ಯಾಗಝಿನ್: ಸ್ವಾತಂತ್ರ್ಯ ಭಾರತದ ಪ್ರಥಮ ಭಯೋತ್ಪಾದಕ ಹಿಂದೂ ಆಗಿದ್ದ, ಮತ್ತು ಆತನ ಹೆಸರು ನಾಥೂರಾಮ್ ಗೋಡ್ಸೆ ಎಂದಾಗಿತ್ತು ಎಂದು ನಿನ್ನೆ ಹೇಳಿಕೆ ನೀಡಿ ವಿವಾದಕ್ಕೆ ಗುರಿಯಾಗಿದ್ದ ನಟ ಕಮಲ್ ಹಾಸನ್‍‌ಗೆ ಹೈದರಾಬಾದ್ ಘೋಷಾಮಹಲ್ ಶಾಸಕ ರಾಜಾಸಿಂಗ್ ವೀಡಿಯೋ ಮಾಡಿ ಬೆದರಿಕೆ ಒಡ್ದಿದ್ದಾರೆ. “ನಾಥೂರಾಮ್ ಗೋಡ್ಸೆ ಜೀ ಯವರನ್ನು ಭಯೋತ್ಪಾದಕನೆಂದ ಹಾಗೂ ಹಿಂದೂ ಭಯೋತ್ಪಾದಕನೆಂದ ಕಮಲ್ ಹಾಸನ್ ಹಿಂದೂ ಸಮಾಜದ ಕ್ಷಮೆ ಕೇಳಬೇಕು. ಇಲ್ಲದೇ ಇದ್ದಲ್ಲಿ ಪರಿಣಾಮ ಎದುರಿಸಬೇಕಾಗುತ್ತದೆ. ಕಮಲ್ ಹಾಸನ್‌ಗೆ ಪಾಠ ಕಲಿಸಲು ನಾನು ಬೇಕಾಗಿಲ್ಲ. ನನ್ನ ಕೆಳಗಿರುವ ಸಣ್ಣ ಪುಟ್ಟ ಕಾರ್ಯ ಕರ್ತರು ಸಾಕು” ಎಂದು ಹೇಳಿದ್ದಾರೆ. ತಮಿಳುನಾಡಿನ ಅರವಕುರಿಚ್ಚಿ ವಿಧಾನ ಸಭಾ ಕ್ಷೇತ್ರದಲ್ಲಿ ಮೇ 19 ನಡೆಯಲಿರುವ ಉಪಚುಣಾವಣೆಯಲ್ಲಿ ಸ್ಪರ್ಧಿಸುತ್ತಿರುವ ತಮ್ಮ ನೂತನ ‘ಮಕ್ಕಳ್ ನೀದಿ ಮೈಯಮ್’ ಪಕ್ಷದ ಅಭ್ಯರ್ಥಿ ಪರ ಭಾನುವಾರ ಪ್ರಚಾರ ಮಾಡುತ್ತಿದ್ದ ಕಮಲ್ ಹಾಸನ್ ಗಾಂಧೀಜಿಯವರನ್ನು ಕೊಂದಿದ್ದ ಗೋಡ್ಸೆಯನ್ನು ಭಯೋತ್ಪಾದಕನೆಂದಿದ್ದರು.

Check Also

ತನ್ನ ಉಳಿತಾಯದ ಹಣದಲ್ಲಿ ಹಜ್‌ಗೆ ಹೊರಟ ತಂದೆಗೆ ಮಕ್ಕಳು ಮಾಡಿದರು ಈ ಸ್ಥಿತಿ

ಸಂದೇಶ ಇ-ಮ್ಯಾಗಝಿನ್: ಪಾಕಿಸ್ತಾನದ ಸಿಂಧ್‌ನಲ್ಲಿ ತಂದೆಯು ಹಣವನ್ನು ಪುತ್ರರಿಗೆ ಕೊಡುವ ಬದಲು ಹಜ್‌ಗಾಗಿ ಬಳಸಿದ್ದಕ್ಕಾಗಿ ವೃದ್ಧ ತಂದೆಯನ್ನು ಪುತ್ರರು ಥಳಿಸಿದ …

Leave a Reply

Your email address will not be published. Required fields are marked *